კონკურსში მონაწილეობის მიღება შეუძლია: ოზურგეთში, ჩოხატაურში და ლანჩხუთში მცხოვრებ ახალგაზრდებს, საინიციატივო ჯგუფებს.
კონკურსის მიმართულებები:
- ადგილობრივი თვითმმართველობის განხორცილებაში კარგი ჩართულობის მაგალითები (საბიუჯეტო განხილვები, პეტიციები, სამოქალაქო ბიუჯეტირება, სასოფლო კრებები, კვლევები და ა.შ.);
- აქტივობები, რომლებიც მიზნად ისახავ საზოგადოების კონკრეტული პრობლემების გადაჭრას სამოქალაქო ჩართულობით (ადვოკატირება);
- თვითმმართველობებთან თანამშრომლობის კონსტრუქციული მოდელები;
საპროექტო იდეის განაცხადი უნდა მოიცავდეს შემდეგ ინფორმაციას:
- განმცხადებლის მონაცემები და საკონტაქტო ტელეფონი;
- პროექტის განხორციელების ადგილი;
- საპროექტო იდეის აღწერა (პრობლემა, მიზანი, ამოცანა, სამუშაო გეგმა);
- განხორციელების ვადები – მაქსიმალური ვადაა 2 თვე;
- საჭირო ბიუჯეტის მოცულობა და ხარჯების განაწილება.
კონკურსის ვადები და ბიუჯეტი:
- საპროექტო იდეის ბიუჯეტის მაქსიმალური მოცულობაა 500 დოლარის ექვივალენტი ლარში. სულ მხარდაჭერილი იქნება 3 საპროექტო განაცხადი.
- საპროექტო იდეები წარმოდგენილი უნდა იქნას2023 წლის 17 ნოემბრამდე წერილობით ან ელექტრონულად: yscozurgeti@gmail.com
პროექტები შეფასდება შემდეგი კრიტერიუმებით:
- საპროექტო იდეის შესაბამისობა კონკურსის მიმართულებებთან- 5 ქულა
- პრობლემის აღწერის მკაფიოობა და მისი აქტუალურობის დასაბუთება – 10 ქულა
- პროექტის მიზნების და ამოცანების აღწერა ნათლად და კონკრეტულად არის ჩამოყალიბებული. მიზნები მიღწევადია, გაზომვადი და დაკავშირებული კონკურსის მიმართულებებთან – 10 ქულა
- პროექტის განხორციელების გზები რეალისტურია და პირდაპირ კავშირშია პროექტის ამოცანებთან -15 ქულა
- მოსალოდნელი შედეგები ნათლად არის წარმოდგენილი და, მიღწევადია განრიგით განსაზღვრულ დროში – 10 ქულა
- ბიუჯეტი არის დეტალიზებული და ნათლად არის წარმოდგენილი თითოეული ხარჯის გაანგარიშების საფუძვლები- 10 ქულა
კითხვების შემთხვევაში დაგვიკავშირდით:
- კონკურსის კოორდინატორი:ლევან მჟავანაძე – 599 924284; 577 724284; ინოვაციებისა და სამოქალაქო განვითარების ცენტრი – პროგრესის სახლი – ოზურგეთი, 26 მაისის ქუჩა #11ა
კონკურსი გამოცხადდა პროექტის „მოქალაქეების ცნობიერების ამაღლება დემოკრატიული პროცესების მხარდასაჭერად“ ფარგლებში. პროექტს ახორცილებს „ინოვაციებისა და სამოქალაქო განვითარების ცენტრი – პროგრესის სახლი“, NED-ის ფინანსური მხარდაჭერით.
