Google-ის ტექნიკური დირექტორის პროგნოზი -

Google-ის ტექნიკური დირექტორი და ხელოვნური ინტელექტის ერთ-ერთი მთავარი მკვლევარი რეი კურცვეილი მორიგ პროგნოზს გვთავაზობს. ჩვენ არ ვამბობთ, რომ კურცვეილი 100%-ით მართალია. შექსპირისთვის სამყარო ერთი დიდი თეატრი იყო, Google-ს დირექტორისთვის ის ერთი დიდი კომპიუტერია, თუმცა მისი მოსაზრებები უდავოდ საინტერესოა.
კურცვეილის პროგნოზი 2019-2099 წლებისთვის:

2019 – პერიფერიული და პერსონალური მოწყობილობისთვის კაბელები და სადენები წარსულს ჩაბარდება.
2020 – პერსონალური კომპიუტერის სიმძლავრე ადამიანის ტვინისას გაუთანაბრდება.
2021 – უსადენო ინტერნეტი დედამიწის 85%-ს დაფარავს.
2022 – აშშ-სა და ევროპაში მიიღებენ კანონებს, რომელიც ადამიანებსა და რობოტებს შორის ურთიერთობას დაარეგულირებს.
2024 – კომპიუტერული ინტელექტის ელემენტები ავტომობილებში სავალდებულო გახდება. იმ ავტომობილებს აკრძალავენ, რომლებიც კომპიუტერული თანაშემწეებით არ იქნება აღჭურვილი.
2025 – გაჯეტ-იმპლანტანტების მასიური ბაზარი გაჩნდება.
2026 – სამეცნიერო პროგრესის გამო, დროის ერთეულში სიცოცხლეს უფრო მეტად გავიხანგრძლივებთ.
2027 – პერსონალური რობოტი ისეთივე აუცილებელი ნივთი გახდება, როგორიც ყავის მადუღარა ან მაცივარი.
2028 – მზის ენერგია იმდენად გაიაფდება და გავრცელდება, რომ კაცობრიობის მოთხოვნებს სრულად დააკმაყოფილებს.
2029 – კომპიუტერი ტიურინგის ტესტს გაივლის, რომელიც მასში აზროვნების არსებობას დაადასტურებს. ეს ადამიანის ტვინის კომპიუტერული სიმულაციის შედეგად მოხდება.
2030 – წარმოებაში ნანოტექნოლოგიები აყვავდება, რაც წარმოებასა და სხვა პროდუქტებს ძლიერ გააიაფებს.
2031 – ნებისმიერი დონის საავადმყოფოში ადამიანის ორგანოების დასაბეჭდად 3D-პრინტერებს გამოიყენებენ.
2032 – სამედიცინო მიზნებისთვის ნანორობოტების გამოყენებას დაიწყებენ. ისინი საკვებ ნივთიერებებს ადამიანის უჯრედებამდე მიიტანენ და ნარჩენებს მოაშორებენ. ისინი, ასევე, ადამიანის ტვინის დეტალურ სკანირებას მოახდენენ, რაც მისი მუშაობის დეტალების გაგებაში დაგვეხმარება.
2033 – თვითმმართველი ავტომობილები გზებს შეავსებენ.
2034 – ადამიანისა და ხელოვნური ინტელექტის პირველი პაემანი შედგება. ფილმი „ის“ (რეჟისორი: სპაიკ ჯონსი) რეალობაში: ვირტუალურ შეყვარებულს ადამიანის თვალის ბადურაზე “სხეულს” შეუქმნიან – მაგალითად, კონტაქტური ლინზების ანდა ვირტუალური რეალობის სათვალის მეშვეობით.
2035 – კოსმოსური ტექნიკა იმდენად განვითარდება, რომ დედამიწას ასტეროიდებთან შეჯახებისგან სამუდამოდ დაიცავს.
2036 – ბიოლოგიას მიუდგებიან როგორც პროგრამირებას და კაცობრიობა პირველად შეძლებს უჯრედების დაავადებებთან საბრძოლველად დაპროგრამირებას, ხოლო 3D-პრინტერების მეშვეობით – ახალი ქსოვილებისა და ორგანოების დაბეჭდვას.
2037 – ადამიანის ტვინის გაგებაში დიდ ნახტომს გავაკეთებთ. აღმოვაჩენთ ასობით სხვადასხვა სუბრეგიონს, რომლებსაც სპეციფიკური ფუნქციები ექნება. ზოგი ალგორითმი, რომელიც ამ რეგიონების განვითარებას აკოდირებს, გაიშიფრება და კომპიუტერების ნეირონულ ქსელში ჩაირთვება.
2038 – რობოტიზებული ადამიანები გაჩნდებიან. მათ ექნებათ დამატებითი ინტელექტი (მაგალითად, ორიენტირებული ცოდნის კონკრეტულ სფეროზე, რომლის მთლიანად ათვისება ადამიანის ტვინს არ შეუძლია). ასევე, სხვადასხვა იმპლანტანტები – თვალი-კამერები და დამატებითი ხელი-პროთეზები.
2039 – ნანომანქანებს პირდაპირ ტვინში ჩანერგავენ და ტვინის უჯრედებიდან სიგნალების თავისუფალი შესვლა და გამოსვლა მოხდება. ეს „სრული ჩატვირთვის“ ვირტუალურ რეალობამდე მიგვიყვანს, რომელიც არავითარ დამატებით ხელსაწყოს არ მოითხოვს.
2040 – საძიებო სისტემები გაჯეტებისთვის – მათ ადამიანის ორგანიზმში ჩანერგავენ. ძიება არა მხოლოდ ენის, არამედ აზრის საშუალებითაც იქნება შესაძლებელი, ხოლო ძებნის შედეგი ლინზების ან სათვალის ეკრანზე აისახება.
2041 – ინტერნეტის სიჩქარე, დღევანდელთან შედარებით, 500-მილიონჯერ გაიზრდება.
2042 – ნანორობოტების არმიის მეშვეობით უკვდავებისთვის იზრუნებენ – ისინი ადამიანის იმუნურ სისტემას შეავსებენ და ორგანიზმიდან დაავადებებს „გამოხვეტენ“.
2043 – ადამიანის სხეული ნანორობოტების მეშვეობით ნებისმიერ ფორმას მიიღებს. შინაგანი ორგანოები უფრო კარგი ხარისხის კიბერნეტიკული მოწყობილობებით შეიცვლება.
2044 – ნეობიოლოგიური ინტელექტი ბიოლოგიურზე მილიარდჯერ უფრო ჭკვიანი გახდება.
2045 – ტექნოლოგიური სინგულარობა დადგება – ხელოვნური ინტელექტი, მანქანა, გაუსწრებს ადამიანის ინტელექტს. დედამიწა ერთი დიდი კომპიუტერი გახდება.
2099 – ტექნოლოგიური სინგულარობის პროცესი მთელ სამყაროზე გავრცელდება.