ჩვენ ვიწყებთ სასწავლო ტურის მონაწილეთა შერჩევას რომლებიც 2025 წლის ოქტომბრის ბოლოს გაივლიან 1 კვირიან სასწავლო კურსს ენერგოეფექტურობის შესახებ პოლონეთში. სასწავლო ტური განხორციელდება პროექტის „მწვანე საქართველო – რეგიონების დაკავშირება მდგრადი მომავლისთვის” ფარგლებში.
პროექტის მიზნები:
- მიზანი 1: საქართველოს მდგრადი განვითარების, ენერგოეფექტურობისა და განახლებადი ენერგიის წყაროების განვითარების ხელშეწყობა პოლონეთთან თანამშრომლობით, გამოცდილებისა და ცოდნის გაზიარების გზით.
- მიზანი 2: გარემოსდაცვითი ცნობიერების ამაღლება და კლიმატის ცვლილების წინააღმდეგ ბრძოლის მიზნით, ენერგოეფექტური გადაწყვეტილებებისა და ევროკავშირის ეკო-სტანდარტების პოპულარიზაცია.
- მიზანი 3: მეცნიერების, ბიზნესის, ადგილობრივი ხელისუფლებისა და სხვა ორგანიზაციებს შორის გრძელვადიანი თანამშრომლობის წახალისება ინოვაციური ენერგოეფექტური გადაწყვეტილებებისა და მექანიზმების დანერგვისთვის, გურიის რეგიონში მწვანე ტრანსფორმაციის ხელშესაწყობად.
პროექტი დაფუძნებულია პოლონეთში, კერძოდ კი მალოპოლსკას რეგიონში ენერგოეფექტურობის სფეროში არსებული ცოდნისა და საუკეთესო პრაქტიკის გადმოტანაზე გურიის რეგიონში. პროექტს ახორცილებს პოლონური ორგანიზაცია Fundacja Pro-Pomost.
სასწავლო ტურის მონაწილეთა შესარჩევად, განაცხადები მიიღება 2025 წლის 15 აგვისტოდან 15 სექტემბრის ჩათვლით. სულ შეირჩევა 14 მონაწილე რომლებიც შეირჩევიან ოთხი სამიზნე ჯგუფიდან:
- აკადემიური წრეების წარმომადგენლები, მასწავლებლები
- ადგილობრივი თვითმმართველობის ადმინისტრაციის წარმომადგენლები.
- ბიზნესის წარმომადგენლები
- საზოგადოების წარმომადგენლები, არასამთავრობო ორგანიზაციების წარმომადგენლები.
დაინტერესებულმა კანდიდატებმა განაცხადის ფორმა უნდა გამოაგზავნონ ელექტრონული ფოსტით შემდეგ მისამართზე: yscozurgeti@gmail.com
პროგრამა RITA – რეგიონი გარდამავალ პერიოდში
პროექტი თანადაფინანსებულია პოლონურ-ამერიკული თავისუფლების ფონდის მიერ, RITA – რეგიონი გარდამავალ პერიოდში პროგრამის ფარგლებში, რომელსაც ახორციელებს ფონდი განათლება დემოკრატიისათვის.
