კონკურსი სტუდენტებისა და მოსწავლეებისთვის - სამოქალქო აქტივიზმის შესახებ

გურიის რეგიონული ჰაბი (ოზურგეთის ახალგაზრდა მეცნიერთა კლუბი) რეგიონში მცხოვრები უფროსკლასელთათვის და ახალგაზრდებისთვის, აცხადებს კონკურსს სტუდენტებისა და მოსწავლეებისთვის სამოქალაქო აქტივიზმის შესახებ.

კონკურსის მიზანია ხელი შეუწყოს უფროსკლასელთა და ახალგაზრდების ჩართულობას სამოქალაქო საზოგადოების განვითარებაში, მათი მოტივაციის ამაღლებას საჯარო პრობლემების გამოვლენასა და გადაჭრის გზების მოძიებაში.

საკონკურსო ნამუშევრის ფორმა არ არის შეზღუდული (შეიძლება იყოს წარმოდგენილი ბლოგის, ესეს, სტატიის, პრეზენტაციის, ფოტოკოლაჟის, ვიდეოს და ა.შ. სახით). კონკურსანტი უნდა იყოს 14 დან 25 წლამდე, გურიაში მცხოვრები ახალგაზრდა.

თითოეულ კონკურსანტს შეუძლია გამოგზავნოს რამდენიმე ნამუშევარი, რომლებიც არ იქნება ერთიდაიგივე თემაზე. 

საკონკურსო თემებია:

  • როგორი მინდა იყოს სამოქალაქო საზოგადოება
  • ჩემი თემის ამბავი (თავისი თემის სამოქალაქო საზოგადოების გამოცდილება ისტორიულად, არსებული საჯარო პრობლემა და მისი დასაბუთება)
  • ვიცი რომ შემიძლია (არსებული პრობლემა და მისი გადაჭრის გზები; ადვოკატირების კამპანიის მისეული ხედვა)
  • ცვლილება რომელიც დავინახე (თემის წევრების გაერთიანებით ან სამოქალაქო საზოგადოების დახმარებით გადაჭრილი პრობლემა)

კონკურსანტებს შესაძლებლობა აქვთ 2018 წლის 23 აპრილის ჩათვლით ელექტრონულ ფოსტის მისამართზე This email address is being protected from spambots. You need JavaScript enabled to view it. გამოაგზავნონ   ნამუშევარი ან   გამოქვეყნებული ნამუშევრის ბმული. 

  • პირველ ადგილზე გასული ნამუშევრის საპრიზო ფონდი შეადგენს 400 ლარს. 
  • მეორე ადგილზე გასული ნამუშევრის საპრიზო ფონდი შეადგენს - 300 ლარს. 
  • მესამე ადგილზე გასული ნამუშევრის საპრიზო ფონდი შეადგენს - 200 ლარს. 

პრიზები გაიცემა ნივთიერი ან სასაჩუქრე ბარათის სახით.

კონკურსი ორგანიზებულია ევროკავშირის პროექტის “სამოქალაქო საზოგადოების განვითარების ინიციატივა” ფარგლებში.  პროექტის მიზანია საქართველოში სამოქალაქო საზოგადოებისათვის არსებული გარემოს გაუმჯობესება, სამოქალაქო საზოგადოების ორგანიზაციების გაძლიერება, ბენეფიციართა მიმართ მათი ანგარიშვალდებულების გაზრდა და სხვა მონაწილეებთან კავშირების გაფართოება.

პროექტს ახორციელებს კონრად ადენაუერის ფონდი (KAS) და ოთხი ქართული საზოგადოებრივი ორგანიზაცია –  სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), საქართველოს სტრატეგიული კვლევებისა და განვითარების ცენტრი (CSRDG), განათლების განვითარების და დასაქმების ცენტრი (EDEC).

პროექტი დაფინანსებულია ევროკავშირის  და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

 

საკონტაქტო პირი:

  • ნათია ვაშალომიძე
  • ტელ: 598140411
  • mail: This email address is being protected from spambots. You need JavaScript enabled to view it.

გადმოწერეთ კონკურსის დებულება

 

 

ყველა უფლება დაცულია © ოზურგეთის ახალგაზრდა მეცნიერთა კლუბი

დოკუმენტების ძებნა