საქართველოს 2018 წლის სახელმწიფო ბიუჯეტისა და ნაერთი ბიუჯეტის შემოსავლების, არაფინანსური აქტივების კლებისა და ფინანსური აქტივების კლების კვარტალური განწერა.

ბიუჯეტის მთლიანი დოკუმენტის სანახავად ეწვიეთ საქართველოს ფინანსთა სამინისტროს ვებ.გვერდს ან დააჭირეთ მოცემულ ლინკს:   2018 წლის სახელმწიფო ბიუჯეტი

2 თვის წინ საქართველოს პრემიერმინისტრმა გიორგი კვირიკაშვილმა, მთავრობის ახალი შემადგენლობის დამტკიცებისას, პარლამენტის ტრიბუნიდან დეცენტრალიზაციის გეგმაზე ილაპარაკა. მან თქვა, რომ ხელისუფლებისათვის თვითმმართველობა და დეცენტრალიზაცია მმართველობითი ბლოკის ერთ-ერთი უმნიშვნელოვანესი სტრატეგიული ხაზია და განმარტა, რომ დეცენტრალიზაციის პროცესი 10 წელს გასტანს.

მას შემდეგ, დეცენტრალიზაციის სტრატეგიის შესახებ რამდენიმე შეხვედრა უნდა გამართულიყო, თუმცა არ შედგა. როგორც გამოცემა droa.ge წერს, გამოცემამ მოიპოვა დეცნეტრალიზაციის სტრატეგიის სამუშაო ვარიანტი, რომელიც საქართველოს რეგიონული განვითარებისა და ინფრასტრუქტურის სამინისტროში მუშავდება. 

გამოცემის ცნობით, დოკუმენტით ირკვევა, რომ მას სამინისტროს დაკვეთით, საკონსულტაციო კომპანია PMCG წერს. ამ კომპანიას ალექსი ალექსიშვილი ხელმძღვანელობს, რომელიც 2004-2007 წლებში ჯერ ეკონონომიკის, შემდეგ კი ფინანსთა მინისტრი იყო.

31-გვერდიანი დოკუმენტიდან სტრატეგიის ნაწილს მხოლოდ 4 გვერდი ეთმობა, დანარჩენი 3 კი შეფასების ინდიკატორები და სამოქმედო გეგმაა, რომელიც, droa.ge-ს ცნობით, დოკუმენტის ამ ვერსიაში არასრულია.

დოკუმენტის მიხედვით, ხელისუფლებას რამდენიმე სტრატეგიული მიზანი აქვს: 1. თვითმმართველობის როლის გაზრდა საჯარო საქმეების მნიშვნელოვანი ნაწილის მოგვარებაში; 2. თვითმმართველობის უზრუნველყოფა შესაბამისი მატერიალური და ფინანსური რესურსებით; 3. სანდო, ანგარიშვალდებული, გამჭვირვალე და შედეგზე ორიენტირებული თვითმმართველობის ჩამოყალიბება.

სტრატეგიის შესრულების ეტაპები ორ ნაწილადაა გაყოფილი: 2018-2021 და 2022-2025 წლები. აქვე, მითითებულია, რომ აუცილებელია თითოეულ ეტაპზე განსახორციელებელი ღონისძიებების დაზუსტება. დოკუმენტის თანახმად, უნდა შეიქმნას სკანონმდებლო მექანიზმები, რაც თვითმმართველობას შესაძლებლობას მისცემს, გამოიყენოს ქონება საკუთარი შემოსავლების გენერირებისათვის; უნდა გაიზარდოს ადგილობრივი მოსაკრებლების სახეები; სარგებლობის ლიცენზიის მოსაკრებლების ნაწილი თვითმმართველობას უნდა გადაეცეს; უნდა გამარტივდეს დადგენილი ზღვრის ფარგლებში გრანტების მიღებისა და განკარგვის პროცედურები;

მეორე ამოცანად თვითმმართველობის საქმიანობაში ეფექტიანობისა და მომსახურების მაღალი სტანდარტების უზრუნველსაყოფად სახელმწიფო ბიუჯეტიდან თანხების გადაცემაა მითითებული. 

ინფრასტრუქტურის სამინისტროში ამბობენ, თუ მარტში სტრატეგია არ დაიდო, 2018, ანუ წლევანდელი სამოქმედო გეგმა ვეღარ დაიწერება.

წყარო: imedinews.ge 

ადგილობრივი თვითმმართველობის ინდექსი შემუშავდა პროექტის „ღია და ანგარიშვალდებული თვითმმართველობებისათვის – მუნიციპალიტეტებში გამჭირვალობისა და მოქალაქეთა ჩართულობის ეროვნული შეფასება“ ფარგლებში.  პროექტი ხორციელდება  კონსულტაციის და ტრენინგის ცენტრის (CTC), ინფორმაციის თავისუფლების განვითარების ინსტიტუტისა (IDFI) და მმართველობითი სისტემების განვითარების ცენტრის (MSDC) მიერ, ფონდი ღია საზოგადოება საქართველოს (OSGF) ფინანსური მხარდაჭერით.

პროექტის ფარგლებში პარტნიორ რეგიონალურ ორგანიზაციებთან ერთად ფასდება ქვეყნის ყველა თვითმმართველი ორგანოს  გამჭირვალობა, მოქალაქეთა მონაწილეობის მექანიზმები და პრაქტიკები ერთიანი ადგილობრივი თვითმმართველობის ინდექსის მეშვეობით, მომზადდება და გამოქვეყნდება რეიტინგი და ეროვნული ანგარიში.

2017 წლის ინდექსის სანახავად დააჭირეთ ბმულს: ადგილობრივი თვითმმართველობის ინდექსი

სახელმწიფო აუდიტის სამსახურის ვებ პორტალზე budgetmonitor.ge ბიუჯეტის მონიტორზე შეგიძლიათ იხილოთ:

  • რამდენია სახლემწიფო ბიუჯეტი, რისგან შედგება ბიუჯეტი და როგორია სახელმწიფო ბიუჯეტის შესრულების მდგომარეობა.
  • რამდენია თითოეული მუნიციპალიტეტის ბიუჯეტი და შეადაროთ ბიუჯეტები ერთმანეთს.
  • მოახდინოთ ადმინისტრაციული ხარჯების ანალიზი: რამდენია დასაქმებულთა რაოდენობა და ანაზღაურების ხარჯები სხვადასხვა საბიუჯეტო უწყებებში, რა წილი უჭირავს პრემიასა და დანამატს უწყებების შრომის ანაზღაურებაში.

ყველა უფლება დაცულია © ოზურგეთის ახალგაზრდა მეცნიერთა კლუბი

დოკუმენტების ძებნა